სპორტულ დარბაზში ეფექტური ვარჯიშის საიდუმლო  

არ აქვს მნიშვნელობა რა მიზანი გაქვთ დასახული სავარჯიშო დარბაზში სტუმრობისას – იქნება ეს კუნთოვანი მასის მომატება, ფორმის შენარჩუნება, წონაში დაკლება თუ სხვა რამ. ეფექტური ვარჯიშის ეს რამდენიმე მარტივი საიდუმლო ნებისმიერ შემთხვევაში გამოგადგებათ. 

1. ივარჯიშეთ ტრენერთან, თუნდაც ასი სპორტული ვიდეო გქონდეთ ნაყურები სოციალურ ქსელში. ინსტრუქტორი სასწავლო პროგრამას შეგიმუშავებთ, საფუძვლებს აგიხსნით, ვარჯიშების შესრულების სწორ ტექნიკას გაჩვენებთ და დაგეხმარებათ ოპტიმალური დატვირთვის განსაზღვრაში. არ არის აუცილებელი მუდმივად ტრენერთან ვარჯიში, მაგრამ ვარჯიშის პირველი ორი-ოთხი კვირა - ძალზე სასურველია. 
2. აკონტროლეთ თქვენი ვარჯიშის ინტენსივობა. აწარმოეთ სპორტული დღიური. აუცილებელი არაა ეს რვეული იყოს - არსებობს უამრავი აპლიკაცია სმარტფონებში. 
3. გააზიარეთ თქვენი ვარჯიშის შედეგები სოციალურ ქსელში, თქვენი შთაბეჭდილებები, ფოტოები, სპორტული მიზნები უახლოეს მომავალში, რაც დამატებით სტიმულად იქცევა. როდესაც სხვა ადამიანები თვალს ადევნებენ თქვენს წარმატებებს, თქვენ თავს ადვილად დანებების უფლებას არ მისცემთ. 
4. სცადეთ ვინმეს გამოწვევა. იპოვეთ მოწინააღმდეგე. ეს შეიძლება იყოს მეგობარი, რომელთანაც ერთად ივლით სპორტულ დარბაზში, ან ვირტუალური მოწინააღმდეგე, რომელთანაც შეძლებთ მიღწეული შედეგების ონლაინ-შედარებას. შეჯიბრებითობის ელემენტი ყოველთვის იწვევს წარმატების მიღწევის მოტივაციას. მნიშვნელოვანია: არ გადააჭარბოთ! გახსოვდეთ, რომ ძალზე მნიშვნელოვანია დატვირთვის თანდათან გაზრდა და ორგანიზმის მდგომარეობის მუდმივი კონტროლი. 
5. გამოიძინეთ, სწორად იკვებეთ და ვარჯიშზე შესანიშნავი განწყობით მოდით. ორგანიზმის გამოფიტვა, რომელიც შეიძლება მოხდეს უძილობისა და არასწორი კვების გამო - თქვენი ვარჯიშების მტერია. გახსოვდეთ სრულყოფილი ძილისა და ჯანსაღი საკვების მნიშვნელობა. ნუ გაანებივრებთ თავს ფუნთუშით წარმატებული ვარჯიშის გამო ჯილდოს სახით. მინიმუმამდე დაიყვანეთ ალკოჰოლის რაოდენობა (იდეალურ შემთხვევაში კი, საერთოდ გამორიცხეთ იგი ვარჯიშის პერიოდში). 
6. თუ ცუდ ხასიათზე ხართ (არ აგერიოთ სიზარმაცეში), ვარჯიში სათანადო სარგებელს ვერ მოგიტანთ. განეწყეთ თითოეულ სპორტულ აქტივობაზე, გაიმეორეთ თქვენი სპორტული მიზნები და გახსოვდეთ, რომ დღეს უკეთესი იქნებით ვიდრე გუშინ. 
7. არ დაელოდოთ მყისიერ შედეგებს. ყველას, ვინც სპორტდარბაზს სტუმრობს, სურს, რომ მისმა ვარჯიშმა მაქსიმალური ეფექტი მოიტანოს. მაგრამ ვარჯიში არ არის ისეთი რამ, რისგანაც სწრაფ შედეგს უნდა ელოდოთ. წინ ვარჯიშის მრავალი საათი გელით, რომელიც წინ უსწრებს თქვენს მიზანს. თანდათანობითი პროგრესის მომხრენი იყავით, რომლის ნაყოფიც დიდხანს გაგყვებათ. ნუ მიისწრაფვით მყისიერი ეფექტისკენ. 
8. დაიმახსოვრეთ, რომ ვარჯიშში მთავარია რეგულარობა. არ გადაუხვიოთ ვარჯიშის განრიგს, ნუ შეუწყობთ ხელს სიზარმაცეს. თუ გადაწყვეტთ, რომ ერთი ვარჯიშის გამოტოვებით ცუდი არაფერი მოხდება, ამით თქვენ ხაზს გაუსვამთ აქამდე გაწეულ მთელ შრომას. ყველანი ადამიანები ვართ - ხანდახან არაფრის კეთება არ გვსურს, ზოგი კი არ ნებდება და შეუძლია თავი დაძლიოს და გააგრძელოს ვარჯიში. 

წარმატებულ ვარჯიშს გისურვებთ!